Kaq e qetë në këtë vend Maltina Kadriu nuk ishte edhe javë më parë.
Ajo u sulmua këtu nga disa qenë endacakë, derisa po zbriste shkallëve afër banesës së saj në lagjen “Tokhbaqe” të Prishtinës.
“Unë kam qenë prej asaj ane te shkallët edhe këtu kanë qenë mbrapa meje edhe unë jam rrotulluar edhe në atë moment ata më kanë hyp përmbi trup dhe e kam parë vetën se jam krejt gjak”.
Kafshimet që mori nga këto kafshë i shkaktuan jo pak plagë në trup.
Ato kanë nisur t`i shërohen, por jo edhe stresi të cilin e përjetoi si pasojë e sulmit.
Për ta tejkaluar këtë gjendje, 12 vjeçarja po konsultohet me psikologun.
“Kanë qenë 6 qen, të cilët më kanë sulmuar mua dhe më kanë bërë lëndime të rënda, po kam marr trajtime tek psikologu ka me bo trajtimin 3-6 muaj, po sidomos në mbrëmja ndihem ende më e stresuar se mendoj se po me vjen ndonjë qen dhe më parafytyrohet momenti”, tha Kadria.
E tronditur me atë që i ndodhi së vajzës është e ëma, Merita.
“Vajza ndihet ende e stresuar, traumatizuar për çdo moment thotë “hajde me mu”, ka tepër trauma po besoj që do i kaloj me trajtimet që i ka me u mundu me i ndihmuar shumë dhe e përkrah në ditë të vështira”, potencoi ajo.
Që raste të tilla të mos ndodhin më, të dyja kanë një apel për autoritetet komunale në Prishtinë.
“Unë bëj apel për Komunën e Prishtinës që të merr masa sa më shpejt jo që është vajza ime por edhe me i ndodh edhe tjetër kujt nuk kam qejf me E dëgjuar këtë lajm hiç por besoj që kryetari i Komunës do të marr masa sa më shpejt”, përfundoi e ëma për Front Online.
“Kërkesa ime për Komunën e Prishtinës është që duhet me u merre me këtë çështje që Përparim Rama ta realizojë premtimin që e ka dhënë për qentë endacakë – unë kam parë që ai ka filluar me u merr me ketë çështje – po shpresoj që do të shkoj deri në fund mirë”, u shpreh Maltina.
Komuna e Prishtinës ka njoftuar se nga fillimi i kësaj jave ka filluar zbatimi i kontratës së nënshkruar më 18 janar, për trajtimin e qenve endacakë për vitin 2022/Front Online