Në përvjetorin e katërt të vdekjes së legjendës shqiptare të futbollit, Fadil Vokrri, Përfaqësuesja e Kosovës e ka shënuar një fitore dramatike sonte.
Në stadiumin “Fadil Vokrri”, Kosova ishte sonte nikoqire e Irlandës së Veriut, raporton FrontOnline.
Ndeshja e vlefshme për grupin të Ligës C, i takoi Kosovës 3:2.
Pas ndeshjes, kapiteni i Kosovës, Amir Rrahmani tha se kjo fitore i dedikohet Fadil Vokrrit dhe familjes së tij, derisa e ka komentuar edhe ndeshjen e radhës ndaj Greqisë.
“Ashtu shkoi rrjedhja e ndeshjes. Nuk kanë qenë shumë të rrezikshme por disa topa të gjatë dhe krohosime. Shumë lojtarë të gjatë na rrezikuan disa herë. Nuk na barazuan dhe kishim fat që kishim diferencë me dy gola”, tha fillimisht Rrahmani.
“Kemi folur edhe para ndeshjes. Këtë fitore ia dedikojmë atij dhe familjes së tij. Shumica e kemi takuar dhe kemi pasur komunikim me të”, tregoi ai.
Kapiteni tha se në ndeshjen me Greqinë do të vendosin detajet.
“Do të kemi mungesa të ndryshme. Do të shkojmë të provojmë të fitojmë ndeshjen pasi është ndeshje direkte. Do ta vendosin detaje”, shtoi ylli i Napolit./FrontOnline/