Në ndërtesën e Postës së Kosovës, sot në mëngjes ka ndodhur një rrahje ndërmjet drejtorit të Operacioneve, Faton Thaçit dhe një punëtori të kësaj ndërmarrje V.T, raporton Front Online.

Lajmin e ka konfirmuar kryeshefi i kësaj ndërmarrje, Salih Morina, duke mos dhënë shumë detaje.

Ai tha se sot ka ndodhur një incident, arsyet e të cilit nuk i dinë dhe se me rastin po merret Policia e Kosovës.

“Arsyeje nuk i dimë ne, arsyet i dinë policia d.m.th. ata kanë dhanë deklarata në polici për arsyen e incidentin, të dy ata që ishin në konflikt i ka marrë në pyetje policia gjithashtu edhe dëshmitaret kanë dhënë deklaratat e tyre, incidenti apo konflikti ka ndodhur në ndërtesën e Postës”, tha shkurt ai për Front Online.

Kujtojmë se Faton Thaçi, i përfshirë në incident ka qenë zëvendësministër i Ministrisë së Tregtisë nga partia Nisma Socialdemokrate në Qeverinë “Haradinaj’.

Front Online është në pritje të informacioneve edhe nga Policia e Kosovës të cilët deri më tani nuk kanë dhënë detaje rreth këtij incidenti./Front Online/