Kushtet e krijuara në shumë prej ishujve janë të rrezikshme, dhe kjo situatë krijohet pikërisht në një kohë kur mjaft specialistë të shëndetit janë të shqetësuar për simptomat e frymëmarrjes të lidhura me pandeminë e koronavirusit. Lázaro, i cili po punon me Nasa për të zhvilluar një sistem alarmi lidhur me mbërritjen e pluhurit dhe rërës nga Saharaja, tha që përqendrimi ditët e fundit ka qenë aq i lartë sa mund të ketë efekte të dëmshme edhe tek njerëzit e shëndetshëm. Kushte jashtëzakonisht të rënduara të ajrit dhe dukshmëri e kufizuar u raportuan nga Antigua në Trinidad & Tobago, ndërsa kjo situatë pritet të zgjasë të paktën deri në orët e mbrëmjes.