Deputeti i Partisë Demokratike të Kosovës, Elmi Reqica, ka bërë thirrje që të mos procedohet pika për zgjedhjen e Komisionerit për Agjencinë për Informim dhe Privatësi.
Ai në seancën e Kuvendit ka deklaruar se LVV është konglomerat, kjo lidhur me procesin dhe panelin për zgjedhjen e kandidatëve për Komisioner për Agjencinë për Informim dhe Privatësi.
“E kemi thënë më herët edhe tani po e themi, ne në këtë maskarallëk nuk marrim pjesë. Në këtë shkelje që po shihet qartazi ne nuk marrim pjesë. Unë e di saktë se ky proces do të dështoj siç ka dështuar ai për zgjedhjen e anëtarit për Gjykatën Kushtetuese”.
“Ju jeni konglomerat, absolutisht nuk do të marrim pjesë në këtë proces të votimit, kërkojmë të rikthehet në fillim ky proces”, ka thënë Reqica.