Kryendeshja e javës së 27-të në Superligën e Kosovës i ka takuar Prishtinës.
në stadiumin e qytetit në Suharekë, Ballkani ka qenë nikoqir i skuadrës kryeqytetase, shkruan FrontOnline.
Ndeshja e zhvilluar në pasditën e sotme i ka takuar Prishtinës me rezultat minimal, 0:1.
Pas ndeshjes, trajneri i Prishtinvs, Zekirija Ramadani u shpreh i lumtur me fitoren e sotme.
“Ishim përgatitur për një derbi të vërtetë, për një luftë sportive në mesfushë dhe e arritëm qëllimin. I thash futbollistëve se duhet të luftojmë të shënojmë një gol për barazim apo fitore dhe doli që ai autogol të jetë vendimtar për fitoren”, deklaroi Ramadani në “Art Sport”.
“Ajo ndeshje ndaj Gjilanit tregoi se ishte vetëm një ditë e keqe dhe nuk ishte fati në anën tonë”, tregoi ai.
“E nisëm mirë, fituam Superkupën dhe tani jemi edhe në garë për Kupën e Kosovës. Janë nëntë finale për ne, por edhe për Dritën edhe Ballkanin dhe shpresojmë që në fund të dalim mirë”, shtoi trajneri shkupjan./FrontOnline/
