Korrespodenti i Sky News Alex Rossi ndodhet në qendër të Khersonit të çliruar, ku ukrainasit vazhdojnë të festojnë hyrjen e djeshme të forcave ukrainase në qytetin që ishte nën pushtimin rus për gati nëntë muaj. Ai foli me qytetarët të cilët i thanë se e ardhmja më në fund është në duart e tyre sepse nuk duhet të kenë më frikë se rusët do t’i vrasin.
“Shikoni këta njerëz, shikoni në sytë e tyre. Ata marrin frymë lirshëm për herë të parë në tetë muaj. Nuk mund ta shprehni me fjalë. Ne jemi të lirë,” tha një banor i Kherson për korrespondentin e Sky News, duke shtuar: “Ne nuk duhet të shikojmë më pas në rrugë ose të kemi frikë se rusët do të na vrasin ne ose familjet tona”.
Kur u pyet se çfarë do të ndodhë në luftë, ai tha: “Periudha e rimëkëmbjes do të jetë e gjatë, por mendoj se njerëzit tani e kuptojnë se e ardhmja është në duart e tyre. Ne do të duhet ta ndërtojmë të ardhmen me duart tona dhe jemi gati për vendin tonë dhe të ardhmen. Mendoj se e ardhmja është e ndritshme.”
“Unë ndjej lumturi. Ne ndjejmë lirinë dhe nuk kemi frikë. Nuk kemi rrymë, nuk kemi ujë, por nuk na intereson sepse djemtë tanë janë në rrugë. Ne nuk kemi frikë.” tha një tjetër qytetar i Khersonit./FrontOnline/