Përkrahja financiare e Qeverisë për FSK-në deri me tani nuk ka munguar.
Kështu ka bërë të ditur, komandanti i kësaj Force, Rrahman Rama.
Ai tha se ekzekutivi i ka përkrahur edhe me buxhet shtesë, teksa tregoi se kanë qenë të kujdesshëm në hartimin e planeve duke i përputhur ato 100 % me buxhetin që u është ndarë.
Gjeneral Rama: Ushtria e gatshme në rast të shpalljes së gjendjes së jashtëzakonshme
“ Në përputhje me buxhetin kemi bere një plan afatgjatë. Kemi qenë shumë të kujdesshëm në hartimin e atij plani. Nuk kemi planifikuar diçka që nuk mund ta realizojmë. Njëra prej rrethanave është edhe mundësia apo gjendja ekonomike dhe mundësitë buxhetore për ta përkrahur institucionin. dhe ne mbi bazën e planit tonë kemi kërkuar buxhet shtesë. Kemi marrë përkrahje prej Qeverisë. Jemi në komunikim me Kryeministrin që në të ardhmen të kemi buxhet më shumë që sa më shpejt t`i rrisim kapacitetet”, pohoi ai për Front Online.
