Qeveria britanike dhe inteligjenca e këtij shteti dështuan të përgatiten apo të ndërmarrin ndonjë vlerësim adekuat rreth përpjekjeve të Kremlinit për të ndërhyrë tek referendum rreth Brexitit i 2016-s, shkruhet në raportin e shumëpritur britanik rreth Rusisë.
Kjo konkluzë përfshihet brenda dokumentit 50-faqësh të komitetit parlamentar për inteligjencë dhe siguri, në të cilin shkruhet se ministrat “nuk kishin parë apo kërkuar prova të ndërhyrjes së suksesshme në proceset demokratike në Mbretëri të Bashkuar”, shkruan “The Guardian”.
Komiteti, që e analizon punën e agjencive britanike të spijunimit, shkruan: “Nuk na është ofruar ndonjë vlerësim, pas referendumit, i përpjekjeve ruse për ndërhyrje”.
“Kjo situatë është krejt ndryshe prej mënyrës se si SHBA-ja trajtoi akuzat rreth ndërhyrjes ruse në zgjedhjet presidenciale të 2016, ku raporti i komunitetit të inteligjencës u ofrua rreth dy muaj pas zgjedhjeve”, shkruhet në të.
