Teksa tensionet në Shtetet e Bashkuara janë të larta pas vrasjes nga policia të afro-amerikanit George Floyd janë të larta, një tjetër video po qarkullon në media. Prokuroria e Nju Xhersit publikoi këto xhirime të kamerave të sigurisë ku shfaqet vrasja nga policia e një tjetër afro-amerikani, 28-vjeçarit Mauris Gordon.

Momenti i vrasjes është xhiruar nga kamera e bordit të automjetit të viktimës, ku duket qartë se edhe pse i paarmatosur, ai I ka bërë rezistencë policit. Vrasja u parapri nga një seri incidentesh të tij me policinë brenda një harku kohor prej 30 orësh. Ndaj policit kanë nisur hetimet për një tejkalim të mundshëm të kompetencave.

Rastet e shumta të vrasjeve nga policia, kryesisht të pjesëtarëve të komunitetit afro-amerikan, kanë ngjallur dyshime për motive raciste të këtyre akteve. Autoritetet lokale të disa qyteteve po shqyrtojnë mundësinë e ndryshimit të procedurave që synojnë t’i heqin të drejtën policëve të qëllojnë ndaj civilëve.

Ngjarja ka ndodhur dy ditë para vrasjes së George Floyd, i cili pritet të përcillet në banesën e fundit këtë të martë në Teksas.