Një protestë gjithë popullore është paralajmëruar më 5 qershor pas vendimit të Gjykatës Kushtetuese e cila i dha të drejtë dekretit të presidentit Hashim Thaçi.
Në rrjetin social Facebook, është organizuar ky event ku thuhet se me 5 qershor në ora 12:00 ftohen të gjithë në këtë protestë.
“Pas Vendimit Te Kushtetutes e cila i jep te drejt Presidentit per dhenien e mandatit Partis se dyte ne ju ftojme per proteste gjithepopullore ne diten e premte me dt 05 qershor 2020 ne ora 12:00 perball Kuvendit te Kosoves, Shperndaje njofto te tjeret”, thuhet në njoftimin e këtij eventi.
Ky vendim i Kushtetueses nuk është duke i pëlqyer Lëvizjes Vetëvendosje. Gjatë ditës së djeshme ata kanë mbajtur një testë protestë kundër cdo vendimi nga Gjykata.
Ndërsa mbrëmë Gjykata Kushtetuese i ka dhënë të drejtë dekretit të presidentit Hashim Thaçi, me anë të të cilit, Avdullah Hoti nga LDK u mandatua për kryeministër të ri të Kosovës.
Në aktgjykimin e Kushtetueses thuhet që votimi i suksesshëm i një mocioni mosbesimi të Kuvendit ndaj Qeverisë, nuk rezulton në shpërndarjen e detyrueshme të Kuvendit dhe mundëson formimin e një Qeverie të re në pajtim me nenin 95 të Kushtetutës.
