Regjisori amerikan i filmit, Paul Kampf, i cili do të realizojë filmin “Harvest’”, bazuar në librin me titull “Zemra serbe e Johanit” të autorit Veselin Gjeletoviq, që ka të bëjë me propagandën serbe për trafikim të organeve dhe të famshmen “Shtëpinë e Verdhë”, për të cilën serbët thonë se është e tmerrshme që bota nuk di asgjë për këtë ngjarje, kështu qëllimi i tyre është të informojë për vuajtjet e popullit serb përmes filmit.

Regjisori Kampf thotë se është shumë i lumtur me vendimin e marrë nga Qendra serbe e Filmit për të mbështetur këtë film me 40 milionë denarë serbë e në të njëjtën kohë ndjen përgjegjësi të madhe për të përmbushur të gjitha pritshmëritë.

Ai thekson se “Harvest” nuk është një film amerikan për viktimat serbe, por diçka shumë më e madhe.

“Bota që nuk di asgjë për këtë ngjarje është gjëja më e frikshme për mua. Është e rëndësishme të lejohet që filmi të flasë nga këndvështrimi i një të huaji, ashtu si personazhi kryesor, në mënyrë që të informojë njerëzit në lidhje me vuajtjet e popullit serb në Shtëpinë e Verdhë në një mënyrë të tillë”, ka thënë Kampf në një prononcim për mediat në Serbi.

Kampf njofton se po shkon në Serbi në shtator, kur do të fillojë puna serioze për filmin.

“Nëse gjithçka shkon sipas planit, ne do të fillojmë të filmojmë “Harvest” vitin e ardhshëm në maj,” tha Kampf.

Producenti Dragan Ivanović konfirmoi se aktori i famshëm amerikan Harvey Keitel do të paraqitet në një rol të vogël në këtë film dhe se Maia Morgenstern, e njohur për rolin e saj si Nënë e Zotit në spektaklin e Mel Gibson “Pasioni i Krishtit”, gjithashtu ka nënshkruar për të luajtur një rol.

“Maia na tha që pasi lexoi skenarin, ajo kuptoi se çdo refuzim i rolit do të ishte bashkëpunim i heshtur me njerëzit që merren me këto krime të tmerrshme. Ajo beson se bota duhet ta dëgjojë këtë histori,” tha Ivanović.

Ai shtoi se, sa i përket aktorëve vendas, Kampf dëshiron të njohë punën e tyre dhe t’i shohë ata në skenë sepse dëshiron të zgjedhë aktorët më të mirë, ndërsa personazhi kryesor Johan do të luhet nga një aktor amerikan. Burimi: SRNA