Një aksident ka ndodhur sot gjatë ditës në rrugën “Robert Doll”, në Prishtinë.

Në aksident janë përfshirë një motoçikletë dhe një autobus.

Si pasojë e aksidentit ngasësi i motoçikletës ka pësuar lëndime trupore dhe është dërguar për tretman mjekësor.

Lajmin e ka konfirmuar zëdhënësja e Policisë për rajonin e Prishtinës Flora Ahmeti.

“Sot rreth orës 15:00 ka ndodhur një aksident trafiku në rrugën “Robert Doll” në Prishtinë. Në aksident kanë qenë të përfshirë një autobus dhe një motoçikletë. Si pasojë e aksidentit ngasësi i motoçikletës ka pësuar lëndime. Personi i lënduar është dërguar për trajtim mjekësor. Me rastin është duke u marrë njësiti i trafikut”, tha ai për Klan Kosova.