Policia në shtetin amerikan të Nju Hemshir, ka lëshuar një urdhër arresti për këngëtarin e njohur Marilyn Manson bazuar në dy akuza penale për sulm ndaj një kameramani, i cili dyshohet se ka ndodhur në koncertin e tij në gusht 2019. “Ai ka qenë në dijeni për disa kohë, ashtu si agjenti i tij dhe ekipi i tij ligjor, që është lëshuar një urdhër për arrestimin e tij, por ai nuk ka treguar dëshirë të kthehet në Nju Hemshir dhe të përgjigjet për të. Kameramani u punësua nga një kompani e Nju Hemshir për të regjistruar koncertin dhe nuk ishte larg skenës kur ndodhi sulmi i pretenduar”, thuhet në deklaratën zyrtare të policisë.

Ata gjithashtu theksuan se “sulmet nuk ishin të një natyre seksuale”. Manson përballet me një vit burg dhe një gjobë prej 2,000 dollarë për secilën akuzë. Sipas deklaratave të dëshmitarëve, Manson duket se e ka pështyrë kameramanin dhe e ka qëlluar me gjësende. Avokati i tij ka një version tjetër të ngjarjeve. “Nuk është sekret që Marilyn Manson pëlqen të jetë provokues në skenë, veçanërisht para kamerës. Paditë u ngritën pasi kameramani kërkoi më shumë se 35,000 dollarë dëmshpërblim sepse një sasi e vogël e pështymës ra në kontakt me dorën e saj. Kur ne i kërkuam të na siguronte prova, nuk është përgjigjur. Këto akuza janë të pakuptimta, por ne do të bashkëpunojmë me autoritetet si më parë”, tha avokati i Manson, Howard King, për revistën ‘People’./FrontOnline/