Policia ka sjellë detaje rreth vdekjes së mbrëmshme të 17-vjeçarit në fshatin Daclikë të Lipjanit, i cili në Qendrën e Mjekësisë Familjare në Komoran u dërgua pa shenja jete.
Sipas policisë, viktima ishte duke punuar në pyll, përkatësisht duke prerë dru, ku i është përkeqësuar gjendja shëndetësore
“Lipjan 15.05.2022-14:40. Është sjellë pa shenja jete në emergjencë mjekësore viktima mashkull kosovar. Vdekjen e viktimës e ka konstatuar ekipi mjekësorë. Sipas familjarëve të viktimës, gjersa viktima ishte duke punuar në pyll (duke prerë dru) i ishte përkeqësuar gjendja shëndetësore. Me urdhër të prokurorit trupi i pa jetë i viktimës është dërguar në IML për autopsi”, thuhet në njoftimin e policisë.
