Kanella është një erëz shumë e shëndetshme dhe aroma dhe shija e saj të kujtojnë gjithmonë pushimet dimërore. Përveç përfitimeve të shumta shëndetësore si rregullimi i niveleve të sheqerit në gjak, kanella ka një efekt të dobishëm edhe në dieta.

Duke pasur parasysh këtë fakt, për të gjithë ata që duan të heqin kilogramët e tepërt, ju sugjerojmë të bëni një pije me kanellë, e cila do t’i ndihmojë në këtë. Është e lehtë për t’u përgatitur dhe shija është e këndshme, veçanërisht në ditët e ftohta.

Receta:

Hidhni gjysmë luge çaji pluhur kanelle në një filxhan me ujë të vluar, mbulojeni filxhanin dhe lëreni të qëndrojë për 30 minuta. Pas kësaj shtoni një lugë çaji mjaltë dhe sipas dëshirës mund të shtrydhni edhe limonin.

Pini gjysmë filxhani nga kjo pije menjëherë para se të shkoni në shtrat, dhe gjysmën tjetër mbulojeni dhe lëreni në frigorifer gjatë natës dhe pijeni të nesërmen në mëngjes, me stomakun bosh.

Është e rëndësishme të theksohet se kjo pije nuk duhet të ngrohet. Pijeni të ftohtë ose lëreni të ngrohet pak në temperaturën e dhomës./FrontOnline/