Pesë raste të dhunës në familje janë raportuar vetëm gjatë datës 16 nëntor në rajonin e Prishtinës.
Kështu ka bërë të ditur Policia e Kosovës përmes raportit 24-orësh, ku tri prej rasteve të dhunës në familje kanë ndodhur në Fushë Kosovë, ndërsa dy të tjera në Prishtinë.
“Fushë Kosovë, 16.11.2021-08:56. Viktima femër kosovare ka njoftuar se ishte kanosur nga bashkëshorti i saj i dyshuari mashkull kosovar. Me vendim të prokurorit pas intervistimit rasti shkon në procedurë të rregullt”, thuhet në raportin e policisë.
Në rastin tjetër në Fushë Kosovë, viktima femër ka informuar se bashkëshorti ka ushtruar dhunë në familje, ndërsa me vendim të prokurorit, i dyshuari është liruar pas intervistimit dhe rasti ka shkuar në procedurë të rregullt.
“Fushë Kosovë, 16.11.2021 – 08:56. Viktima femër kosovare ka informuar se bashkëshorti i saj i dyshuari mashkull kosovar ka ushtuar dhunë në familje. Me vendim të prokurorit, pas intervistimit palët janë liruar dhe rasti shkon në procedurë të rregullt”, thuhet në raport.
Policia ka arrestuar edhe një tjetër mashkull të dyshuar pasi që dyshohet se ka ushtruar dhunë ndaj bashkëshortes së tij, e cila ka marrë tretman mjekësor.
“Fushë Kosovë, 16.11.2021 – 13:00. Është arrestuar i dyshuari mashkull kosovar, pasi që ka ushtruar dhunë ndaj bashkëshortes së tij, viktimës femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raport.
Dy rastet e tjera të dhunës në familje kanë ndodhur në Prishtinë, ku në rastin e parë është arrestuar një mashkull kosovar, i cili ka sulmuar fizikisht bashkëshorten e tij, e cila ka marrë tretman mjekësor.
“Prishtinë, 16.11.2021 – 02:00. Është arrestuar i dyshuari mashkull kosovar, pasi që ka sulmuar fizikisht bashkëshorten e tij viktimën femër kosovare . Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raport.
Në rastin tjetër në Prishtinë, është arrestuar një mashkull kosovar i dyshuar i cili dyshohet se ka ushtruar dhunë psiqike ndaj bashkëshortes së tij.
“Prishtinë, 16.11.2021 – 19:15. Është arrestuar i dyshuari mashkull kosovar, pasi që ka ushtruar dhunë psiqike ndaj bashkëshortes së tij, viktimës femër kosovare. Viktima ka pranuar tretman mjekësor. Me vendim të prokurorit, i dyshuari është dërguar në mbajtje”, thuhet në raport.
Kujtojmë se organet e drejtësisë shpesh janë kritikuar në Kosovë për mos trajtimin e rasteve të dhunës në familje me efikasitet më të lartë.