Maluma është një nga artistët më të suksesshëm të Amerikës Latine të të gjitha kohërave.

Nëpërmjet punës së tij, Maluma ka arritur famë në të gjithë botën, duke u marrë me industri si filmi dhe moda.

Por, përpara se të hynte në industri, ai kaloi një dekadë duke ndjekur diçka krejtësisht të ndryshme.

Në një paraqitje në Good Morning America, artisti zbuloi se ka luajtur futboll për 10 vjet në një nga ekipet më të rëndësishme në Kolumbi.

“Pas kësaj vendosa të largohem sepse shkova në studio për herë të parë dhe regjistrova këngën time të parë”, tha ai. “Ishte kaq e mahnitshme sa vendosa të lë futbollin dhe të ndërtoj karrierën time”.

“10 vjet më vonë dhe ne jemi këtu. Unë jam duke bërë një turne tani në Shtetet e Bashkuara dhe Evropë. Albumi im i ri tashmë ka dalë. Pra, ka një mori gjërash të mira që po ndodhin tani. Ndjehem i lumtur”.

Maluma e bën shumë të qartë dashurinë e tij për futbollin, nga shikimi i ndeshjeve në mënyrë të vazhdueshme dhe mbështetja e vendit të tij, tek shfaqja e Lionel Messit në një nga videoklipet e tij muzikore.

Një nga projektet e tij më të fundit, i quajtur “Trofeo”, iu kushtua Messit. Klipi shfaqte të dy të veshur me fanella të njëjta të Inter Miami dhe Maluma duke shkelur në fushën e futbollit dhe duke mbajtur trofeun më të fundit të Messit./Telegrafi/