Një përleshje fizike ka ndodhur të shtunën në Shtime, ku si pasojë, një person ka përfunduar në QKUK

Rasti ka ndodhur në rrugën “Besim Sopa” në Shtime, ka njoftuar Policia e Kosovës në raportin 24 orësh.

Sipas policisë, deri te përleshja fizike ka ardhur si pasojë e një mosmarrëveshjeje të mëparshme.

“Raportohet se tre te dyshuar meshkuj kosovar pas një mosmarrëveshje te mëhershme, janë përleshur fizikisht ne mes vete me ç ‘rast është përdorur edhe një mjet i mprehte thike”, thekson raporti i policisë.

Si pasojë e përleshjes, një person ka marrë lëndime trupore dhe është dërguar në QKUK për trajtim mjekësor.

“Si pasojë njeri prej tyre ka pësuar lëndime trupore dhe është dërguar për tretman mjekësor ne QKUK. Me vendim te prokurorit njeri prej te dyshuarve është arrestuar dhe pas intervistimit dërgohet ne mbajtje”, bën të ditur policia