Ka përfunduar përpilimi i draftit të ligjit që ndalon përdorimin dhe shitjen e pijeve energjike për persona nën moshën 18 vjeç.
Kështu ka njoftuar deputetja e Lëvizjes Vetëvendosje, Fitore Pacolli teksa shtoi se drafti do t’i dërgohet qeverisë për miratim dhe do të kthehet në Kuvend për shqyrtim.
“Më në fund përfunduam draftin e ligjit që ndalon përdorimin dhe shitjen e pijeve energjike për personat nën moshën 18 vjeç. Drafti i dërgohet Qeverisë për miratim dhe përsëri kthehet në Kuvend për shqyrtim dhe votim“, shkroi ajo në Facebook.
“Falenderoj të gjithë ata që e mbështetën këtë nismë. Është në interesin e shtetit të rrisim fëmijë të shëndetshëm 
”, shkruan ajo.
