Sekretari i Përgjithshëm i MSh -së, Naim Bardiqi në një konferencë për media, ku u fol edhe për rastin tragjik që ndodhi dje në Qendrën e Studentëve në Prishtinë, e ku një person humbi jetën, ka shpjeguar procedurat rreth vendosjes së personave në karantinë. Me këto rregulla, ai tha se janë njoftuar edhe përfaqësuesit e Kosovës në Ambasada dhe konsullata, raporton “Front Online”.

Ai ka thënë se në bazë të rekomandimeve të IKSHPK-së , vetëizolimit për 14 ditë i shpëtojnë disa kategori të personave, ndër ta edhe personat që kanë probleme shëndetësore dhe sëmundje kronike.

“Personat me probleme shëndetësore duke përfshirë edhe sëmundjet kronike; Personat e moshës mbi 70 vjeç (viti 1950 ), Fëmijët nën 18 vjeç që janë pa shoqërim të prindërve; Profesionistët që do të jenë në shërbim të parandalimit dhe luftimit të COVID-19 (mjek, polic, dhe pjesëtar të FSK-së) dhe personave që hyjnë në RKS dhe do të jenë përcjellës për varrime të familjarëve të tyre”, ka thënë Bardiqi. /Front Online