Vitet po kalojnë.  E për çdo vit që po shkon pasaportës kosovare po i bjen fuqia. Ajo po bëhet gjithnjë e më e dobët, raporton më tutje Front Online.

Derisa në vitin 2011 ishte në vendin e 93-të për nga fuqia, tash në 2020 ka rënë për 9 vende.

LEXO EDHE: Kosova në garë me Korenë e Veriut për pasaportën më të dobtë në botë (Video)

Është e 102-ta, më keq për 4 dhe 5 vende sesa që ishte në dy vitet paraprake, 2019 dhe 2018.

Piedestalin e fuqisë, pasaporta e Kosova e kishte arritur në vitin 2014-të, kur ishte pozicinuar në vendin e 87-të.

Periudha 2019/2020 – Mbi 330 mijë qytetarë u ‘pajisën’ me pasaportë

Mbi 330 mijë qytetarë kanë marrë pasaportë gjatë vitit 2019 e deri me tani në vitin 2020.

Kështu kanë thënë në Ministrinë e Punëve të Brendshme, institutcion ky që është kompentet për lëshimin e tyre.

“Qytetarë qe kanë marr pasaporta gjatë vitit 2019 duke përfshirë edhe periudhën gjatë vitit 2020 deri me sot, janë: 334 016”, thuhet në përgjigjen e MPB-së për portalin Front Online.

LEXO EDHE: Kosova në garë me Korenë e Veriut për pasaportën më të dobtë në botë (Video)

Llojet e pasaportave kosovare:

Pasaporta aktuale e Kosovës tani është biometrike.

Ngjyra e saj është e kuqe dhe përmban stemën e Republikës së Kosovës në mes të kopertinës.

Për shtetasit mbi 18 vjeç pasaporta ka vlefshmëri 10 vjeçare nga data e lëshimit.

Pasaporta e Republikës së Kosovës lëshohet në katër variante: Pasaportë e zakonshme, Pasaportë diplomatike, Pasaportë zyrtare dhe Dokument udhëtimi. /FrontOnline/