Partitë politike me mungesë konsensusi edhe në vitin 2020

Lajme

Partitë politike me mungesë konsensusi edhe në vitin 2020

FrontOnline

02 Janar 2021

Inatet politike dhe mungesa e konsensusit i ka përcjell edhe këtë vit partitë në Kosovë. Spektri politikë në vend nuk gjeti pajtueshmëri dhe unitet për asnjë prej temave të interesin nacional. Dialogu me Serbinë, integrimet evropiane dhe zgjedhja e presidentit ishin temat që edhe më shumë polarizuan partitë politke në Kosovë, ani pse për to nevojitet një pajtueshmëri e gjerë. Megjithatë, pak para shpërbërjes se legjislaturës së shtatë, partitë parlamentare unanimisht miratuan buxhetin për vitin 2021. E ndër arsyet që acaruan raportet ndërmjet partive po konsiderohet prishja e bashkëpunimeve dhe rrëzimi i shpeshtë i qeverive.

Drejtoresha ekskluzive e Grupit për Studime Juridike dhe Politike, Arbëresha Loxha thotë, se polarizimi politik më shumë ka buruar nga brishtësia e numrave që ka pasur qeveria Hoti, e pastaj kjo është manifestuar në mungesë të stabilitetit institucional.

“Siç ka ndodhur edhe viteve të kaluara edhe viti 2020, ka qenë i karakterizuar me mungesë të dakordimit të spektrit politik, sidomos për çështje të rëndësishme. Kjo ka buru nga brishtësia e numrave të Qeverisë Hoti, e pastaj është manifestuar me mungesë të stabilitetit institucional. E dina që iu deshën dy muaj për të rishikuar buxheti dhe afër gjashtë muaj që të miratohet Ligji për rimëkëmbje ekonomike për t’iu dalë në ndihmë bizneseve dhe qytetarëve. Natyrisht ka pas edhe mungesë të konsensusit për çështjen e dialogut dhe çështje tjera me rëndësi”, u shpreh ajo.

Eugen Cakolli nga KDI mungesën e konsensusit dhe degradimin e debateve dhe gjuhës ndërmjet partive, e sidomos LVV-së dhe LDK-së, e ndërlidh me rrëzimin e qeverisë Kurti.

“Ajo ka ndikuar që të jetë një pikë kthese në polarizimin e mëtutjeshëm të spektrit politik e në veçanti të raporteve të LDK-së dhe LVV-së si dy prej partive më të mëdha. Këtë drejtim, një qasje e tillë e acaruar dhe raporte që kanë degraduar në të shumtën e raste edhe në përplasje fizike e verbale…4:21 Mungesa e konsensusit ndërmjet partive, sidomos atyre parlamentare është një fenomen që po e shoqëron Kosovën tash e disa vite”, thotë ai.

Ndërsa, ligjëruesi i shkencave politike në Universitetin e Prishtinës, Dorajet Imeri thotë për KosovaPress, se këto inate ndërmjet partive politike do ta përcjellin vendit edhe në të ardhmen.

E për degradimin e gjuhës së komunikimin ndërmjet tyre, Imeri ia adreson fajin gjitha partive politike.

“Fatkeqësia është që konsideroj se do t’i përcjell edhe në të ardhmen, e sidomos të ardhmen të afatshkurtër. Partitë politike vlerësoj se duhet urgjentisht të krijojnë një mënyrë tjetër të komunikimit. Këtu nuk ka asnjë dallim pasi partitë kanë kontribuar në një mënyrë ose tjetër, pasi çdo parti e ka hisen e saj për faturën që duhet paguar sa i përket këtij komunikimi të vrazhdë që nuk prodhon stabilitet politik dhe zgjidhje politike. Në disa tema të interesit nacional nuk duhet të kalohet në këtë format. Duhet të ketë̈ një konsensus të përgjithshëm sa i përket interesave strategjike të Kosovës”, thotë ai.

Përplasjet ndërmjet partive politike më shumë janë shpërfaqur në Kuvendin Kosovës, ku me raste ka shkuar gati në përleshje fizike.

Të fundit