Kryetari i LDK’së, Isa Mustafa, po thotë se deklaratat e ministrit të Nismës, Skënder Reçica, rreth planifikimit buxhetor, nuk e rrezikojnë Qeverinë Hoti.
Isa Mustafa nuk po i sheh si rrezik për prishje të koalicionit deklaratat e ministrit të Punës dhe Mirëqenies Sociale, Skënder Reçica dhe deklaratat e partnerëve në përgjithësi të LDK’së në Qeveri.
Mustafës, kjo është dekaratat si ajo e ministrit Reçica kërkojnë përgjegjësi dhe bashëpunim.
“Nuk shoh rrezikim të Qeverisë nga kërkesa të tilla, por më tepër përgjegjësi dhe bashkëpunim”, ka deklaruar i pari i LDK’së për Express.
Ndërkohë, ministri i Punës dhe Mirëqenies Sociale, Skënder Reçica, të dielën ka thënë se Qeveria i ka injoruar kërkesat e Nismës.
Ai ka treguar se Nisma nuk e ka votuar Kornizën Afatmesme të Shpenzimeve të Rishikuara për vitin 2021-23, për shkak se ekzekutivi nuk i ka përfshirë Nismat Ligjore të MPMP’së në kornizë.
Reforma Pensionale, Ligji për Pushimin e Lehonisë dhe Ligji i punës, janë vetëm disa nga çështjet që MPMS i ka adresuar e që nuk janë përfshirë në KASH.
Reçica ka thënë se në këtë dokument, i cili është kryesori sa i përket planifikimeve buxhetore, nuk janë paraparë nismat ligjore të cilat janë të miratuara fillimisht në agjendën legjislative të Qeverisë., shkruan Gazeta Express
“Unë bashkërisht edhe me kolegët e mi në Qeverinë e Kosovës, nga radhët e Nismës nuk e kemi votuar këtë kornizë për faktin se në këtë dokument i cili është dokumenti kryesor sa u përket planifikimeve buxhetore, nuk janë paraparë nismat ligjore të cilat janë të miratuara fillimisht në agjendën legjislative të Qeverisë”
“Bëhet fjalë për reformën pensionale, Ligjin për Pushimin e Lehonisë, Ligjin e Punës dhe çështje të tjera të cilat ne i kemi iniciuar në kuadër të agjendës legjislative dhe pikërisht për këtë për shkak të mosakomodimit nuk e kemi votuar. Ne kemi kërkuar që të gjendet një hapësirë e akomodimit të këtyre nismave ligjore në kuadër të Kornizës Afatmesme të Shpenzimeve, e cila pastaj i hap rrugë draftimit të tyre”, ka deklaruar Reçica.
