17 të moshuar të cilët janë pa përkujdesjë familjare,por që marrin përkujdesje në ShPMPFnë Skenderaj janë të infektuar me virusin SARS-Cov2.

Këtë e ka konfirmuar për Front Online, drejtori i Drejtorisë për Shëndetësi dhe MirëqenieSociale në këtë komunë,IbishHetemi.

Ai tha se deri tani janë konfirmuar 17 raste me Covid-19 dhe dy nga stafi shëndetësor.

“Janë 17 të infektuar me Covid. Gjendja e tyre është stabile në përgjithësi dhe dy prej tyre i kemi të hospitalizuar me  oksigjenoterapi dhe i kemi dërguar në spitalin regjional në Mitrovicë. Të tjerët janë të izoluar në shtëpinë e pleqve dhe po marrin trajtim nga ekipet shëndetësore’’, ka thënë ai për Front Online.

Ai tha se që nga muaji mars i kanë ndaluar të gjitha vizitat dhe daljet në natyrë për shkak të pandemisë.

‘’Nga mujji mars vizitat i kemi ndërprerë, eskurzionet dhe daljet jashtë. Familjarët mund të vijën deri jashtë objektit të përgatitur me mjete mbrojtësë deri në oborr,por brenda në objekt nuk lejhohen te hyjnë’’, theksoi ai.

Se si erdhi deri tek infektimi i të gjithë të moshuarve,Hetemi tha për Front Online se nuk dihet ende.

‘’Nuk dihet se si janë infektuar, por që nuk ka pasur vizita por ka gjasa që virusin ta kenë marrë nga stafi ose gjatë daljes së tyre për të blerë gjërat e nevojshme’’, është shprehur Hetemi.

E për këtë situatë,Hetemi tha se komuna është detyruar të ndaj buxhet shtesë për përkujdesjen e tyre në shtëpinë e të moshuarve.

‘’Ne i kemi ndihmuar në mënyrë të vazhdueshme, me medikamente, me ushqim dhe me të gjitha gjërat. Edhe pse e kanë buxhetin e caktuar brenda vitit për mirëmbajtjen e shtëpisë së pleqve, megjithatë ne kemi caktuar prapë edhe një pjesë të buxhetit dhe i kemi ndihmuar me sigurimin e  medikamenteve dhe ilaçe të cilat kanë qenë të nevojshme, për arsye sepse ato nuk kanë qenë të parapara për shkak se nuk e kemi ditur se do shfaqet pandemia në vitin 2020’’,  ka thënë ai për Front Online.