Presidentja Vjosa Osmani është takuar me homologun e saj nga Liberia, Joseph Boakai, me të cilin tha se ka folur për bashkëpunimin mes dy vendeve.

Në takimin  që u zhvillua në Teksas, Osmani e potencoi se vendi i tij ka qenë ndër shtetet njohëse të para të pavarësisë së Kosovës.

“Liberia ka qenë një aleat i vjetër dhe ishte një nga vendet e para që njohu vendin tonë në vitin 2008. Pata një diskutim produktiv me Presidentin Joseph Boakai mbi mundësitë për të forcuar lidhjet tona dhe për të zgjeruar bashkëpunimin në fusha që do të përfitojnë si vendet dhe popujt tanë”, ka shkruar Osmani.

“Kosova mbetet e përkushtuar për thellimin e mëtejshëm të kësaj miqësie të qëndrueshme”, përfundoi presidentja Osmani.