Organizata Botërore e Shëndetësisë (OBSH), thotë se pret që numri i rasteve të COVID-19 të arrijë në 10 milionë brenda javës tjetër.

“Më shumë se 9.1 milionë raste dhe 470 mijë të vdekur u raportuan deri më tani”, tha kreu i OBSH-së, Tedros Adhanom Ghebreyesus.

“Në muajin e parë të këtij shpërthimi u raportuan më pak se 10 mijë raste, ndërsa në muajin e fundit u konfirmuan pothuajse katër milionë njerëz të infektuar”, u shpreh ai.

“Kam frikë se numri i rasteve mund të arrijë deri në 10 milionë brenda javës së ardhshme”, potencoi Ghebreyesus.

Sipas mediave të huaja, përcjell Telegrafi, kreu i OBSH-së thotë ndër tjerash se vendi duhet të jetë në gjendje gatishmërie për “mposhtjen” e transmetimit të coronavirusit.