Ka arritur në 1.003 raste numri i të prekurve me coronavirus në Kosovë.
Sipas IKSHPK-së, nga data 08 shkurt deri më 20 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 12.406 persona të dyshimtë në virusin SARS-CoV-2.
Nga këto raste të regjistruara me Covid-19, Kosova ka gjithsej 29 raste të vdekjes të cilët kanë pasur sëmundje të tjera shoqëruese.
Ndërsa numri i përgjithshëm i të shëruarve deri më sot, është gjithësej 772 raste.
