Ish-deputetja Shqipe Pantina ka folur për një skenar në të cilin mbrëmë do të miratohej plotësimi-ndryshimi i Ligjit për Zgjedhjet, por zgjedhja e presidentit dështon dhe vendi shkon në zgjedhje.
Ajo ka shpjeguar procedurat ligjore që ndiqen kur një ligj amandamentohet që në rastin më të mirë edhe nëse plotësim-ndryshimi i Ligjit për Zgjedhjet do të merrte aminin e deputetëve në seancën e mbrëmshme ai do të hynte në fuqi 15 ditë pas botimit në gazetën zyrtare (që nuk do të mund të bëhej para 6 prillit).
Ajo ka thënë se në këtë skenar ku do të bëhej amandamentimi i Ligjit për Zgjedhjet dhe dështon zgjedhje e presidentit që e çon vendin në zgjedhje të reja diaspora sërish nuk do të mund të votonte në ambasada dhe konsullata.
“Nëse dështon zgjedhja e Presidentit me 6 prill, Kuvendi shpërndahet automatikisht dhe shpallen zgjedhjet që duhet të mbahen brenda 45 ditëve. Zgjedhjet duhet të organizohen me ligjin e vjetër. Pra, as diaspora nuk mundet me votu në ambasada e konsullata e as Albini e Albulena nuk munden me u kandidu. Atëherë pse gjithë ky film?”.
Postimi i plotë i Shqipe Pantinës në Facebook:
Ta zëmë se skenari i LVV për të miratuar projektligjin për zgjedhjet e përgjithshme do të miratohej me 2 prill dhe me 6 prill dështon zgjedhja e Presidentit/Presidentes dhe vendi shkon në zgjedhje.
Ligji për të hyrë në fuqi duhet fillimisht të nënshkruhet nga Kryetari i Kuvendit- Glauku e nënshkruan atë menjëherë me 2 prill.
Ligji duhet të nënshkruhet edhe nga Presidenti- Glauku e nënshkruan menjëherë atë me 2 prill
Ligji duhet të botohet në gazetën zyrtare dhe hynë në fuqi 15 ditë pas botimit në gazetën zyrtare- Në rastin më të mirë gazeta zyrtare botohet me 6 prill ( me 5 prill e hënë është festë zyrtare). pastaj duhet ta kalojnë 15 ditë që ligji të hyjë ne fuqi.
Nëse dështon zgjedhja e Presidentit me 6 prill, Kuvendi shpërndahet automatikisht dhe shpallen zgjedhjet që duhet të mbahen brenda 45 ditëve. Zgjedhjet duhet të organizohen me ligjin e vjetër.
Pra, as diaspora nuk mundet me votu në ambasada e konsullata e as Albini e Albulena nuk munden me u kandidu.
Atëherë pse gjithë ky film? /Front Online
