Maroku, një kombëtare përplot me talent, takohet këtë paradite me finalistin e Kupës së Botës 2018, Kroacinë, raporton FrontOnline.
Tre muaj para fillimit të botërorit, federata e Marokut zëvendësoi përzgjedhësin Vahid Halilhodziq me Walid Regragui pas shumë tensioneve me yllin e skuadrës, Hakim Ziyech.
Kështu, përpos Ziyechit, Maroku ka edhe futbollistë tjerë cilësorë si Achraf Hakimi dhe Nayef Aguerd.
Përmbledhje: Maroku – Kroacia, parashikim, të rejat e fundit dhe formacionet e mundshme
Kroacia që shkëlqeu në botërorin e vitit 2018, me trajnerin Zlatko Daliq kërkon sërish të shkaktojë senzacion në krye me mesfushorin brilant, Luka Modriq, i cili përkundër moshës, vazhdon të jetë protagonist.
Ndeshja që nis nga ora 11:00, do të zhvillohet në “Al Bayt Stadium” dhe është e vlefshme për grupin F.
Një orë para fillimit të ndeshjes, trajnerët e të dyja kombëtareve i kanë publikuar formacionet zyrtare.
Maroku: Bono; Hakimi, Saiss, Aguerd, Mazraoui; Amrabat, Ounahi, Amallah; Ziyech, En Nesyri, Boufal
Kroacia: Livakoviq; Juranoviq, Lovren, Gvardiol, Sosa; Modriq, Brozoviq, Kovaciq; Vlasiq, Perisiq; Kramariq./FrontOnline/
