Policia e Kosovës ka raportuar se në fshatin Dresnik të Klinës gjatë ditës së hënë kanë hasur në një gushë të mbjellur me bimë të dyshuara narkotike, raporton Front Online.

Sipas policisë, aty kanë qenë të mbjellura 41 bimë të madhësisë së ndryshme

“Njësia policore ka raportuar se ka hasur në një fushë të mbjellura me bimë të dyshuar narkotike, e llojit Kanabis Sativa. Aty ishin të mbjellura 41 bimë të madhësisë së ndryshme. Aty në afërsi janë takuar dy meshkuj kosovarë, ku njëri është arrestuar, ndërsa tjetri ka arrit të ik dhe më vonë është arrit të arrestohet”, është thënë nga policia.

Sipas PK-së, tek të dyshuarit është gjetur dhe konfiskuar 1.3 gram substancë narkotike e llojit Marihuanë dhe dy telefona mobil.

“Gjatë arrestimit, lëndime trupore kanë pësuar një i dyshuar dhe dy zyrtar policorë, të cilët kanë pranuar tretman mjekësor. Me vendim të prokurorit, bimët janë shkartuar, ndërsa të dyshuarit janë dërguar në mbajtje”, është thënë nga PK-ja./Front Online/