×
  • Bota/Rajoni
  • Bota/Rajoni

    Në Dhomën e Përfaqësuesve në SHBA dërgohet rezolutë që dënon gjenocidin në Srebrenicë

    FrontOnline
    15 Korrik 2020

    Anëtarja e Dhomës së Përfaqësuesve të Shteteve të Bashkuara, Eddie Bernice Johnson, i dërgoi një rezolutë kësaj dhome, e cila e dënon gjenocidin dhe krimet e tjera kundër boshnjakëve, të kryera nga forcat serbe në Srebrenicë të Bosnjës, në korrik të vitit 1995.

    Rezoluta që u dërgua në Komitetin për Forca të Armatosura u mbështet edhe nga dy kolegët e saj demokratë, Eliot Engel dhe James McGovern.

    Në rezolutë thuhet se, nisur nga prilli i vitit 1992, forcat serbe të Bosnjës, të mbështetura nga forcat ushtarake dhe paraushtarake serbe, kanë kryer agresion dhe spastrim etnik.

    Sipas rezolutës, marrja e kontrollit të territorit përreth Srebrenicës ka rezultuar me një fluks masiv të boshnjakëve që kanë kërkuar mbrojtje brenda dhe përreth Srebrenicës, të cilën Këshilli i Sigurimit i Kombeve të Bashkuara e ka shpallur “zonë të mbrojtur” me rezolutën 819, në prill të vitit 1993.

    “Forcat serbe të Bosnjës kanë dëbuar gra, fëmijë dhe të moshuar me autobusë, por kanë mbajtur më shumë se 8,000 burra dhe djem, kryesisht boshnjakë, në kampe përqendrimi nën kontrollin e tyre, dhe pastaj i kanë ekzekutuar të burgosurit dhe i kanë varrosur në varreza masive”, thuhet në rezolutë.

    Aty po ashtu theksohet se Sllobodan Millosheviq dhe Qeveria e atëhershme e Jugosllavisë e kanë mbështetur në mënyrë të drejtpërdrejtë spastrimin etnik, që ka çuar në mbi dy milionë njerëz të zhvendosur, mbi 100,000 të vrarë, dhjetëra-mijëra të dhunuar, torturuar dhe abuzuar.

    “Disa zyrtarë të Serbisë dhe të serbëve të Bosnjës, përfshirë anëtarin aktual të Presidencës së Bosnje dhe Hercegovinës, Millorad Dodik, në mënyrë të rreme e etiketojnë gjenocidin në Srebrenicë si ‘mit të fabrikuar dhe si mashtrimin më të madh të shekullit 20’”, thuhet mes tjerash në rezolutë.

    Në fund të saj dënohet gjenocidi i kryer nga forcat serbe në Bosnje dhe dënohen deklaratat, aktet dhe politikat që e vënë në dyshim gjenocidin, ndërsa SHBA-së i bëhet thirrje që të ndjekë politikën, e cila mbështet sovranitetin dhe integritetin territorial të Bosnje dhe Hercegovinës dhe u bën thirrje të gjithë udhëheqësve politikë që të ndalojnë përdorimin e retorikës së ndarjes, për të arritur qëllime afatshkurtra.

    Gjykata Ndërkombëtare e Drejtësisë në Hagë ka konstatuar në vitin 2007 se vrasjet në Srebrenicë kanë përbërë gjenocid.

    Gjykata e Kombeve të Bashkuara për Krimet e Luftës në ish-Jugosllavi ka dënuar ish-udhëheqësin e forcave serbe të Bosnjës, Ratko Mlladiq, dhe mentorin e tij politik, Radovan Karaxhiq, për gjenocid dhe krime të tjera të luftës në Srebrenicë.

    Më 11 korrik, Srebrenica shënoi 25-vjetorin e masakrës.

    Udhëto shpejt dhe sigurt nga Prishtina drejt Köln me PrishtinaTicket
    Nga Rubrika
    Bota/Rajoni25 Maj 2025
    Kryeministri i Maltës Robert Abela njoftoi se vendi i tij do të njohë shtetin e Palestinës muajin e ardhshëm. Bëhet e ditur...
    Bota/Rajoni25 Maj 2025
    Presidentja e Komisionit Evropian, Ursula von der Leyen, foli në telefon me presidentin amerikan, Donald Trump dhe kërkoi kohë deri më 9...
    Bota/Rajoni25 Maj 2025
    Presidentit të Shqipërisë, Bajram Begaj, iu rezervua një pritje e përzemërt nga komuniteti shqiptar në Philadelphia, të cilën e vizitoi ndërsa ndodhet...
    Të tjera
    Vip25 Maj 2025
    Artistja e njohur shqiptare, Filloreta Raçi – Fifi, ka reaguar në rrjete sociale ndaj komenteve negative që ka marrë, kryesisht nga llogari...
    Bota/Rajoni25 Maj 2025
    Qeveria gjermane planifikon të zbatojë një marrëveshje koalicioni javën e ardhshme për të forcuar më tej ligjet e imigracionit, të cilat përfshijnë...
    Sport25 Maj 2025
    Fenerbahce Beko ka siguruar titullin e dytë të Euroligës në histori të dielën me një fitore bindëse 81-70 ndaj Monacos në Etihad...
    Lajme25 Maj 2025
    Gjyqtarët dhe prokurorët serbë që dhanë dorëheqje në veri të vendit në nëntor të vitit 2022, kanë qenë temë diskutimi në takimin...
    Bota/Rajoni25 Maj 2025
    Mediat gjermane kanë zbuluar detaje të reja rreth aksidentit tragjik rrugor që ndodhi mëngjesin e ditës së sotme pranë qytetit Koblenz, në...
    Lajme25 Maj 2025
    Kosova për herë të parë do të presë komandën e një divizioni të ushtrisë amerikane, në kuadër të ushtrimit më të madh...
    -->

    FrontOnline, © 2025 Të gjitha të drejtat e rezervuara.