Deputetja e Kuvendit të Kosovës, Ariana Musliu-Shoshi ka uruar të gjithë fëmijët në rrugëtimin drejt dijes dhe të ardhmes së ndritur, sot kur fillon mësimi nëpër shkollat e Kosovës.
Ndër nxënësit e shumtë që sot për herë të parë fillojnë ndjekjen e mësimeve është edhe djali i saj, Nori.
Musliu-Shoshi tha se me 14 ditë vonesë, viti i ri shkollor po fillon në kushte dhe rrethana të ndryshme nga vitet e mëparshme.
Deputetja po ashtu deklaroi se duhet pasur kujdes dhe duhet respektuar udhëzimet e institucioneve shëndetësore, për ta ruajtur veten dhe të tjerët në këtë periudhë të pandemisë COVID-19.
Postimi i plotë:
Me 14 ditë vonesë, viti i ri shkollor po fillon në kushte edhe rrethana të ndryshme nga vitet e mëhershme, krejt kjo si pasojë e pandemisë COVID-19, e cila përveç aktiviteteve të tjera publike, edhe fillimin e vitit të ri shkollor e ka rënduar dhe vonuar.
E sot, ditën e parë të shkollës e fillon edhe djali im, Nori. Një moment i veçantë dhe shumë i rëndësishëm, të cilin nuk e kemi menduar në këtë mënyrë. Ai do ta njohë mësuesen-in e parë, do të zërë shoqe e shokë të rinjë. Nga oborri i kësaj shkolle, Norit i uroj të jetë shembullor në sjellje dhe në mësime!
Urimet më të ngrohta të gjithë fëmijëve të Kosovës në rrugëtimin drejt dijes dhe të ardhmes së ndritur. Urime të gjithë mësimdhënësve dhe prindërve për përkushtimin e tyre që fëmijët tanë të pajisen me dije në mënyrë që të përballen më lehtë me jetën.
Me shumë kujdes dhe duke i respektuar të gjitha udhëzimet e institucioneve shëndetësore për ta ruajtur veten dhe të tjerët. URIME!
https://www.facebook.com/arianamusliushoshi/posts/358829975473254
