Me ditë më të ftohta ka ardhur stina e virozave dhe ftohjeve dhe si shoqërues besnik i sëmundjeve të tilla më së shpeshti kemi edhe një kollë irrituese.

Doktori i mjekësisë familjare dhe profesori në Universitetin e Çikagos, Michael Hanak, sjell në portalin Women’s Health këshilla të thjeshta natyrale që mund të na ndihmojnë të luftojmë kollën dhe dhimbjet e fytit, transmeton FrontOnline.

Gargarë me ujë të kripur

Një mënyrë e thjeshtë për të lehtësuar kollën është uji i kripur. Kripa vepron kundër baktereve, por jo viruseve, ndaj mund të mos ju shërojë, por sigurisht që ka një efekt qetësues. Përzieni gjysmë luge çaji kripë gjelle në pak ujë dhe bëni gargarë mirë.

Pini çaj xhenxhefili

Përveçse është i njohur për fuqinë e tij në qetësimin e sëmundjeve të stomakut, xhenxhefili është gjetur gjithashtu të jetë një aleat i fuqishëm në luftën kundër kollës.

Shtoni mjaltë në lëngun që pini

Trajtimi i kollës dhe dhimbjes së fytit duke shijuar diçka të ëmbël… Nuk tingëllon aspak keq. Mjalti ka një efekt qetësues në traktin e sipërm respirator dhe është anti-inflamator.

Shtrihuni në një banjë ose dush me ujë të ngrohtë

Përveç se do t’ju relaksojë, një dush i ngrohtë do t’ju ndihmojë edhe me kollën dhe presionin në sinus.

Hidratoni veten

Hidratimi është i rëndësishëm çdo ditë, por mund të jetë veçanërisht i rëndësishëm kur keni kollë. Marrja e mjaftueshme e lëngjeve mund të ndihmojë në hollimin e mukusit në pjesën e pasme të fytit, gjë që do të përmirësojë kollën.

Merrni probiotikë

Ushqimet e pasura me probiotikë janë jogurti, kefiri, lakra turshi, miso, kimçi.

Pini çaj shafran i Indisë

Shafrani i Indisë ka veti të forta anti-inflamatore dhe vepron kundër viruseve dhe baktereve. Do t’ju ndihmojë të qetësoni irritimin dhe dhimbjen e fytit./FrontOnline/