Festat e fundvitit kanë bërë që mërgimtarë të shumtë t’ia mësyjnë Kosovës për t’i kaluar këto festa me familjarët e tyre.
Mërgimtarët kanë filluar të vijnë në Kosovë për festat e fundvitit në Kosovë.
Vetëm gjatë ditës së sotme, 41 fluturime do të realizohen nga Zvicra dhe Gjermania drejt Kosovës.
Lajmin e ka bërë të ditur Kryeshefi i Korporatës “Sfidat e Mijëvjeçarit” për Kosovë, Petrit Selimi, përmes një postimi në llogarinë e tij në Tëtter.
“Sfida e jashtëzakonshme e pandemisë – turizmi i diasporës. 26 fluturime nga Zvicra vetëm sot për të arritur në Aeroportin e Prishtinës. 15 fluturime të tjera nga Gjermania. Ditëve në vijim: dhjetëra mijëra njerëz tjerë do të arrijnë në aeroportet e Shkupit ose Tiranës ose përmes veturave e autobusëve”, ka shkruar Selimi.
Po ashtu edhe në pikat kufitare kanë filluar të shtohen pritjet.
Ndërsa edhe në pikat kufitare Kroaci-Serbi, Slloveni-Kroaci, Hungari-Kroaci, janë krijuar kolona të shumta për shkak të fluksit të madh të mërgimtarëve të cilët ia kanë mësyrë Kosovës për t’i kaluar pushimet dimërore.
