Suedia ka publikuar raportin e detajuar të infeksioneve dhe vdekjeve nga COVID-19.

Numri zyrtar i vdekjeve nga shpërthimi i koronavirusit në Suedi ka arritur në 4,000, statistikat e publikuara nga agjensia e saj e shëndetit publik treguan të hënën, raporton Reuters.

Të dhënat e publikuara në faqen e internetit të agjencisë treguan se vdekjet nga Covid-19, sëmundja e shkaktuar nga koronavirusi, ishin rritur në 4,029 nga 3,998 një ditë më parë ndërsa numri i rasteve të konfirmuara u rrit me 384 në 33.843.

Për dallim nga shumica e vendeve të tjera, Suedia ka ndërmarrë një qasje të butë për të luftuar virusin, duke lënë shumicën e shkollave, dyqaneve dhe restoranteve dhe duke u mbështetur në masa vullnetare të përqendruara në distancimin shoqëror dhe higjenën e mirë.

Vdekjet e akumuluara në pandemi në Suedi kanë qenë shumë herë më të larta në krahasim me madhësinë e popullsisë sesa në fqinjët e saj nordik, por ende më të ulëta se në disa vende të goditura fort, siç janë Spanja dhe Britania, që zbatuan bllokime të rrepta.

Të Dielën, njerëzit u mblodhën në Stokholm për të protestuar kundër mosveprimit të perceptuar të qeverisë së tyre për shpërthimin.