Fituesi i “Topit të Artë”, Karim Benzema ka njoftuar dje (e hëne) se është pensionuar nga Kombëtarja e Francës.
Benzema ishte pjesë e “Gjelave” për Kupën e Botës, megjithatë ai u lëndua dhe u largua nga Katari, shkruan FrontOnline.
Deri në fazën e eliminimit direkt, ai arriti të rikuperohej dhe ishte gati të kthehej në skuadër, por përzgjedhësi Didier Deschamps nuk e ftoi t’i bashkohej kombëtares.
https://twitter.com/RkFutbol/status/1604977914017095685?ref_src=twsrc%5Etfw%7Ctwcamp%5Etweetembed%7Ctwterm%5E1604977914017095685%7Ctwgr%5E753ae47935ad3ded57f4de57fe0d850d1eae5da7%7Ctwcon%5Es1_&ref_url=https%3A%2F%2Fwww.kurir.rs%2Fsport%2Fmundijal-2022%2F4073486%2Floris-i-grizman-nisu-zeleli-benzemu-u-francuskoj
Pas akuzave të shumta se Benzema ka prishur raportet me trajnerin dhe disa bashkëlojtarë, ylli i Real Madridit vendosi të pensionohej nga Franca.
Gazetari francez, Romain Molina ka zbuluar se disa futbollistë ishin të lumtur kur Benzema u largua nga kampi në Doha.
“Dy ranë në sy – Antoine Griezmann dhe Hugo Lloris. Ata ishin të lumtur kur Benzema u lëndua dhe ishin të lumtur me largimin e tij. Ata kishin frikë për statusin e tyre si liderë skuadreje”, ka shkruar Molina./FrontOnline/