Ministri i Drejtësisë së Danimarkës, Peter Hummelgaard, ka zhvilluar takime sot me opozitën e Kosovës. Kreu i PDK-së, Memli Krasniqi, thotë se të njëjtin e ka njoftuar se partia e tij nuk merr pjesë në votimin e pikave në Kuvend të cilat sillen nga ana e Qeverisë, përfshirë edhe Marrëveshjet Ndërkombëtare.
Në një postim në Facebook-un e tij, Krasniqi thotë se:
“Delegacionin e lartë nga Danimarka e njoftova për zhvillimet e fundit në Kosovë, sfidat dhe rreziqet me të cilat po ballafaqohet vendi, si dhe qëndrimet e PDK-së në lidhje me to. Mysafirëve ua shpreha qëndrimin që Partia Demokratike e Kosovës kërkon sa më parë zgjedhje të reja të parakohshme dhe se aktualisht nuk merr pjesë në votimin e pikave në Kuvend të cilat sillen nga ana e Qeverisë, përfshirë edhe Marrëveshjet Ndërkombëtare”.
