Ky është momenti tronditës kur një përleshje masive shpërtheu në mes të rrugës, ndërsa një grup sulmuesish fillojnë të përplasen me njëri-tjetrin me shkopinj dhe shufra metalike.
Sipas mediave të huaja, videoja e kapur nga dëshmitarët tregojnë më shumë se një duzinë njerëzish që luftonin në një rrugë banimi në Walsall, West Midlands, në Angli, rreth orës 6.30 pasdite më 10 qershor.
Ndërkohë, një burrë i plagosur shtrihet në mes të rrugës duke u ndihmuar nga anëtarët e publikut, pasi disa banditë bllokojnë rrugën rrugën me shkopinj në dorë.
Në anën tjetër, një numër njerëzish janë parë duke provuar të tërheqin njerëzit larg turmës për të provuar dhe qetësuar situatën.
Si pasojë, një burrë u godit në kokë me një shkop kriketi nga pas dhe një grua mbeti me gjak poshtë fytyrës së saj pas sulmit – të cilin policia po e trajton si një ‘incident të synuar’.
Një burrë tjetër është parë gjithashtu duke ulëritur nëpër rrugë tek një grup tjetër njerëzish.
Policia e West Midlands tha: “Një grup i madh njerëzish po luftonin në rrugë të armatosur me shkop dhe armë”.
“Pas mbërritjes, katër persona u zbuluan se kishin pësuar lëndime në kokë. Dy prej tyre mbeten në spital por gjendja e tyre nuk besohet se janë të rrezikshme për jetën”.
