Një mbrojtës i njohur i kafshëve nga Afrika e Jugut, West Mathewson, ka vdekur pasi u sulmua nga dy luanesha të bardha derisa po i shëtiste.

Gruaja e tij, derisa po i përcillte me veturë, u përpoq t’i shpërqendrojë luanët por ishte tepër vonë.

West Mathewson udhëhoqi një kamp të safarit të njohur, të quajtur Lion Tree top Lodge, në provincën Limpopo, njofton BBC.

Luaneshat tani janë vendosur në një strehim tjetër dhe do të lirohen në natyrë dikur më vonë. Thuhet se njëra nga luaneshat u bë agresive ndaj luaneshës tjetër e pastaj iu kthye konservationistit.

Luaneshave pastaj iu dhanë qetësues dhe janë dërguar në qendrën e kafshëve të rrezikuara.

Thuhet se Mathewson i ka shpëtuar këto luanesha nga gjuetia, ku kafshët mbaheshin të mbyllura dhe ushqeheshin për t’u vrarë pastaj, dhe po mbaheshin të mbyllura në kampin e tij për t’u rehabilituar.

Thuhet se të njëjtat luanesha e kanë vrarë një njeri që po punonte në afërsi kur ikën nga kafazi në vitin 2017.