×
  • Lajme
  • Lajme

    Lekaj: Telekomi paguan rreth 400 mijë euro për qira

    FrontOnline
    23 Korrik 2020

    Në debatin parlamentar për situatën financiare të Telekomit të Kosovës, pas lejimit të përmbarimit të Vendimit Përfundimtar të Gjykatës Ndërkombëtare të Arbitrazhit, deputeti i Aleancës për Ardhmërinë e Kosovës, Pal Lekaj tha se Telekomi po përballet me krizë të jashtëzakonshme financiare.

    Sipas tij institucionet duhet që sa më shpejt të gjejnë mundësi në mënyrë që kjo ndërmarrje të mos shkojë drejt falimentimit.

    Kontratat me operatorët ekonomikë, si me Dardafonin dhe vendimi i Gjykatës së Arbitrazhit, Lekaj tha se kanë qenë në dëm të Telekomit, duke dobësuar kapacitetet funksionale të saj.

    Lekaj: Nga ndërmarrja më e suksesshme, Telekomi sot po përballet me krizë të jashtëzakonshme financiare

    “Nga ndërmarrja më e suksesshme e shtetit të Kosovës për vite të tëra, Telekomi i Kosovës sot përballet me krizë të jashtëzakonshme financiare. Në krijimin e kësaj krize të thellë financiare brenda Telekomit të Kosovës kanë ndikuar shumë faktor. E arsyeja të cilat i kemi përmendur pa rreshtur. Madje edhe i kemi krijuar komisionin hetimor parlamentar në lidhje me Telekomin e Kosovës. Në vitin e fundit për shkak të disa marrëveshjeve paraprake funksionimi i Telekomit të Kosovës është determinuar nga veprimet paraprake ndër vite të menaxhmentëve të ndryshme. Këto veprime e kanë limituar mundësinë për manovrime financiare për të siguruar investime të mjaftueshme në produkte dhe shërbime të reja”, ka thënë Lekaj.

    Sipas tij, gjitha institucionet bartëse duhet sa më parë të krijojnë një strategji dalëse, në mënyrë që Telekomi të mos falimentojë. Kështu ai ka pasur edhe disa propozime, se si duhet të veprohet në mënyrë që Telekomi të këndellet.

    Lekaj: Kërkesa kryesore është kthimi në shfrytëzim të objektit kryesor në Prishtinë

    “Investimet emergjente të domosdoshme, sigurimi financimit përmes kredisë me vlerë prej 30 milionë euro. Zgjerimi i infrastrukturës së rrjetit me kapacitete përcjellëse konform kërkesave të përdoruesve, zgjerimi i infrastrukturës së rrjetit në aspektin e mbulueshmërisë të tregut. Inkasimi urgjent i borxhit ndaj Telekomit të Kosovës. Ulja e shpenzimeve operative, ri-konstruktimi i menaxhimit të objekteve për të cilat Telekomi paguan qira nga pagesat më të mëdha, mbizotëron qiraja ndaj Postës së Kosovës, Telekomi paguan rreth 400 mijë euro qira për shfrytëzimin e rreth 34 mijë metra katror. Pra, rreth 11,6 euro për metra katror. Nga kërkesat kryesore është kthimi në shfrytëzimin apo në pronësi të Telekomit, objektin kryesor në Prishtinë”, ka shtuar ai.

    Lekaj ka kërkuar nga prokuroria që të hetojë të gjitha vendimet që janë marrë dhe e kanë sjell Telekomin e Kosovës në këtë situatë të rëndë financiare. Dhe për këtë ai shtoi se duhet dhënë përgjegjësi.

    Si t’i përdorni radiatorët e ngrohjes që të kurseni deri në 25% të faturës së rrymës
    Nga Rubrika
    Lajme20 Qershor 2024
    Departamenti i Krimeve të Rënda i Prokurorisë Themelore në Prizren, ka ngritur aktakuzë kundër të pandehurve B.B., dhe B.K., për shkak të...
    Lajme20 Qershor 2024
    Presidentja Vjosa Osman është takuar me homologen e saj sllovene, Natasha Pirc-Musar, në margjinat e Samitit të Paqes për Ukrainën që u...
    Lajme20 Qershor 2024
    Presidenti Bajram Begaj zhvilloi sot në Berlin një takim me përfaqësues të mërgatës shqiptare në Gjermani. Figura të suksesshme në fusha të...
    Të tjera
    Sport20 Qershor 2024
    Kroacia pësoi gol në minutën e 95-të nga Klaus Gjasula i Shqipërisë, në po të njëjtën mënyrë që realizuan vetë kundër Brazilit...
    Lajme20 Qershor 2024
    Deputeti i AAK-së, Pal Lekaj, për FrontOnline, thotë se partitë politike ka kohë që po tentojnë të jenë sa më afër qytetarëve,...
    Lajme20 Qershor 2024
    Në Bashkimin Evropian nuk ka pajtim të plotë për heqjen e masave ndëshkuese të vendosura ndaj Kosovës. Por, si kompromis pritet që...
    Lajme20 Qershor 2024
    Policia e Kosovës ka njoftuar se mjeti që u gjet në rrugën “Shpëtim Robaj”, nuk ishte shpërthyes. Flora Ahmeti, zëdhënëse e Policisë...
    Vip20 Qershor 2024
    Ya Nina është një nga reperet relativisht të reja në industrinë e muzikës, ndonëse ajo po gjithnjë e më shumë po merr...
    Lajme20 Qershor 2024
    Kryetari i Kuvendit të Kosovës, Glauk Konjufca ka njoftuar se ka marrë pjesë  në përmbyllje të punimeve të seancës së 11-të plenare...

    FrontOnline, © 2024 Të gjitha të drejtat e rezervuara.