Arben Gashi shef i Grupit Parlamentar të Lidhjes Demokratike të Kosovës ka thënë se për seancën për zgjedhjen e presidentit kanë vërejt se ka një ndërhyrje në listën nënshkruese dhe kjo ndërhyrje duhet të sqarohet.
Gashi ka thënë se presin sqarime se çka ka ndodhur në listën e nënshkrimeve.
Sipas tij, duhet të tërhiqet ligji për zgjedhjet pasi, që thotë se ende nuk kanë parë diçka zyrtare, pos një komunikate.
Gashi ka thënë se nëse nuk kanë diçka zyrtare për tërheqjen e këtij ligji nuk do të qëndrojnë në sallë, nëse po atëherë do të qëndrojnë.
“Ne do të marrim pjesë në seancën e zgjedhjes së presidentit, nëse shohim që edhe zyrtarisht është tërhequr ligji për zgjedhjet”, ka thënë ai.
LDK-ja ka lëshuar mbledhjen e kryesisë së Kuvendit, teksa Gashi tha para mediave se Ligji nuk është tërhequr dhe situata s’ka ndryshuar.
“VV ka kërcënuar dhe shantazhuar me Ligjin për Zgjedhje ne kemi kërkuar që të tërheqë projektligjin, nuk kemi tërheqje prandaj jemi në situatën e njëjtë”, tha Gashi.
Ai tha poashtu që Ligji duhet të tërhiqet automatikisht dhe të jepet garanci për reformë zgjedhore substanciale./Front Online
