Duket se qytetarët e komunës së Vushtrrisë nuk janë aspak të kënaqur me qeverisjen që po bën Xhafer Tahiri i LDK-së, pasi e kanë ndëshkuar keq partinë e tij në zgjedhjet e 14 shkrutit.
Duket se turpërimi në nivel vendi për LDK-në u projektua nga një varg turpërimesh të thella në komuna të ndryshme të Kosovës.
Në Vushtrri, kjo parti politike që qeveris me komunën, i mori vetëm 3 mijë e 350 vota ose 10,34 për qind.
LDK-ja që ka pushtetin kësisoj ka përgjysmë vota më pak se PDK-ja në opozitë, e që i mori 6526 vota dhe gjashtëfish më pak se VV-ja që i ka 19,571 vota ose 60,08 për qind.
Pak ditë para zgjedhjeve, Xhafer Tahiri i LDK-së e kishte prishur koalicionin me Vetëvendosjen në këtë komunë.
Tahiri është kryetar i komunës në fjalë prej vitit 2017.
