Emisari i BE’së për dialogun Mirsolav Lajçak ka shkruar në Twitter për takimin Kosovë – Serbi që është mbajtur dje në Bruksel.
Dje është mbajtur në Bruksel takimi në mes të Kosovës dhe Serbisë me ndërmjetësimin e Bashkimit Evropian.
Përfaqësues i Kosovës ka qenë koordinatori për dialogun, Skender Hyseni ndërsa i Serbisë drejtori të ashtuquajturës zyrë serbe për Kosovën, Marko Gjuriq.
Temë kryesore e takimit ishin personat e zhdukur dhe të zhvendosur.
Për takimin ka shkruar në Twitter emisari i BE’së për dialogun, Miroslav Lajcak.
“Diskutimet politike të kësaj jave në nivel të ekspertëve për personat e zhdukur dhe zhvendosur ishin produktive dhe konstruktive. Mezi presim raundin tjetër të bisedimeve të ekspertëve të dialogut Beograd-Prishtinë së shpejti”, ka shkruar ai.
