Presioni i lartë i gjakut ose hipertensioni është një faktor rreziku i zakonshëm për sëmundjet e zemrës, megjithatë, me terapi të caktuar dhe ushqimin e duhur, kjo sëmundje mund të kontrollohet, përcjell FrontOnline.

Presioni i lartë i gjakut është një problem i madh dhe shumica e njerëzve ndryshojnë zakonet e tyre të të ngrënit vetëm kur ka probleme shëndetësore, dhe zgjidhja më e zakonshme për tensionin e lartë që ne arrijmë janë pilulat, por nëna natyrë u kujdes që të na ofrojë një “shërim”. Për çdo sëmundje, përfshirë hipertensionin.

Ushqimi i duhur mund të balancojë presionin e gjakut dhe të zvogëlojë rrezikun e vdekjes së parakohshme, duke qenë se disa ushqime ulin natyrshëm presionin e gjakut dhe promovojnë shëndetin kardiovaskular.

Duke konsumuar rregullisht arra, mund të ruani presionin e gjakut brenda kufijve normalë, gjë që vërtetohet nga studime të shumta që kanë vite që merren me këtë problem mjekësor.

Dihet përgjithësisht se arrat përmbajnë 63 për qind të yndyrave të shëndetshme që mbrojnë zemrën dhe fistikët veçohen si ndoshta aleati më i fortë në luftën kundër presionit të lartë të gjakut.

Hulumtimet e publikuara në American Journal of Clinical Nutrition konfirmuan se fëstëkët kanë treguesit më të mirë kur bëhet fjalë për uljen e presionit të gjakut. Kjo është për shkak të disa lëndëve ushqyese që mund të gjenden në të – magnez, kalium dhe fibra. Fistikët, të cilët kanë më shumë kalium se bananet, përmbajnë gjithashtu antioksidantë të fuqishëm – polifenole dhe karotenoidë.

Shtoni fëstëkë në sallatë, kos, tacos ose zëvendësoni ushqimet e pashëndetshme gjatë shikimit të televizorit. Kujdes mos e teproni, sepse është ende një ushqim me shumë kalori./FrontOnline/