×
  • Lajme
  • Lajme

    Kushtetuesja deklarohet rreth kërkesës së Vetëvendosjes për deputetin Etem Arifi

    FrontOnline
    29 Shtator 2020

    Lëvizja Vetëvendosje, pas votimit të Qeverisë “ Hoti”, ka dërguar në Gjykatën Kushtetues të Kosovës, kërkesën për antikushtetuetshmërinë e pjesëmarrjes dhe të votimit të deputetit Etem Arifi.

    Këtë kërkesë, Lëvizja Vetëvendosje e ka bërë pasi që deputeti Arifi është i dënuar për mashtrim me subvencione, ai sot është vetëdorëzuar në  Qendrën e Paraburgimit në Hajvali.

    Lajmin  për FrontOnline e ka konfirmuar zëdhënsi i SHKK-së, Floren Gashi.

    “Sapo kontaktova me qendrën në Hajvali  dhe me treguan se personi në fjalë  është paraqitur atje”, ka thënë përmes telefonit zëdhënësi, Florent Gashi.

    E, lidhur me kërkesës e Lëvizjes Vetëvendosje nga Gjykata Kushtetuese për Front Online kanë thënë se janë në shqyrtim të kërkesës dhe mbledhjes të të gjitha dokumenteve të nevojshme për shqyrtim kushtetues.

    “Përkitazi me kërkesën e dorëzuar nga Lëvizja Vetëvendosje lidhur me rastin e deputetit Etem Arifi, Gjykata ka pasur komunikim të vazhdueshëm me institucionet dhe palët e përfshira në rast deri të martën e kaluar, me qëllim të kompletimit të dosjes së lëndës. Afati 60 ditorë për shqyrtimin e këtij rasti, fillon pas dorëzimit të të gjitha dokumenteve të nevojshme për shqyrtim kushtetues. Sapo të merret vendimi, për këtë do të njoftohen të gjitha palët e përfshira në rast dhe opinion”, thuhet në përgjigjen e tyre për Front Online.

    Ndërsa, deputeti i Lëvizjes Vetëvendosje, Artan Abrashi, i cili e ka dërguar kërkesën në Gjykatën Kushtetuese për antikushtetuetshmërinë e pjesëmarrjes dhe të votimit të deputetit Etem Arifi tha për Front Online se janë në pritje të vendimit të Gjykatës për kërkesën të cilën e kanë dorëzuar muaj më parë.

    Abrashi tha se deputeti Arifi i cili është i dënuar për mashtrim nuk është dashur të jetë deputet i Kuvendit të Kosovës, dhe as të marrë pjesë në votimin e Qeverisë “Hoti”.

    “Ne jemi të vetëdijshëm që ka një vonesë nga Gjykata Kushtetuese. Më duket që arsyetimet i kanë për shkaqe procedurale ngase janë ende duke i mbledhur materialet dhe provat, por që rasti është i qartë kemi të bëjmë me një deputet i cili është dënuar me vendim të formës së prerë. Pra ai nuk është dashur të jetë aty hiq e lere më të votoj me qenë se po flasim për votën vendimtare që ka mundësuar zgjedhjen e Qeverisë dhe na rasti ne kemi dërguar dhe jemi duke e pritur vendimin e Gjykatës. Për ne kjo është shumë e qartë kemi të bëjmë me një Qeveri e cila është zgjedhur në mënyre joligjore dhe ne e kontestojmë legjitimitetin e Qeverisë ‘Hoti’, tha Abrashi për Front Online.

     

    Nga Rubrika
    Lajme11 Maj 2025
    Sot rreth orës 21:00 në rrugën ‘C’ në Prishtinë, ka ndodhur një aksident trafiku në mes të një automjeti dhe një këmbësori....
    Lajme11 Maj 2025
    Dy persona kanë raportuar në polici, se derisa janë takuar me 24-vjeçarin A.T., të cilit ia kanë dhënë një pistoletë për t’ia...
    Lajme11 Maj 2025
    Kryetari i Lëvizjes Vetëvendosje, Albin Kurti, ka nisur fushatën e zgjedhjeve lokale nga Prizreni. Në një postim të bërë nga partia e...
    Të tjera
    Bota/Rajoni11 Maj 2025
    Sali Berisha e ka quajtur Baton Haxhiun, ‘gënjeshtar të gatshëm’ të Edi Ramës, shkaku i exit pollit të publikuar nga Albanian Post,...
    Bota/Rajoni11 Maj 2025
    Një nuse e veshur me fustan të bardhë ka vendosur të votojë në ditën e saj të dasmës në një qendër votimi...
    Bota/Rajoni11 Maj 2025
    Sali Berisha nga Partia Demokratike u shpreh i ashpër me gazetarin Baton Haxhiu, pasi exit polli i tij nxori PD-në në vendin...
    Bota/Rajoni11 Maj 2025
    Analisti Baton Haxhiu shprehet me bindje në “Opinion” se fitues në këto zgjedhje është Edi Rama, si udhëheqës i Partisë Socialiste e...
    Bota/Rajoni11 Maj 2025
    Presidenti ukrainas Volodymyr Zelensky thotë se është i gatshëm të takojë presidentin rus Vladimir Putin “personalisht” në Stamboll të enjten për bisedime...
    Bota/Rajoni11 Maj 2025
    Ka përfunduar edhe zyrtarisht votimi në zgjedhjet parlamentare në Shqipëri, me Exit Pollet që e tregojnë Partinë Socialiste fituese. Komisioneri Shtetëror i...
    -->

    FrontOnline, © 2025 Të gjitha të drejtat e rezervuara.