Në përvjetorin e katërt të vdekjes së legjendës shqiptare të futbollit, Fadil Vokrri, Përfaqësuesja e Kosovës e ka shënuar një fitore dramatike sonte.
Në stadiumin “Fadil Vokrri”, Kosova ishte sonte nikoqire e Irlandës së Veriut, raporton FrontOnline.
Ndeshja e vlefshme për grupin të Ligës C, i takoi Kosovës 3:2.
Kryeministri i Kosovës, Albin Kurti u shpreh i ngazëllyer me paraqitjen e sotme të “Dardanëve”, derisa deklaroi:
“Mund të themi që përveq që s’kemi parë ndeshje kaq të bukur, nuk kemi shijuar as fitore kaq të këndshme. Nuk është i mjaftueshëm kapaciteti i stadiumit”.
“Nëse vazhdojnë kështu të luajnë na duhet një stadium më i madh. Loja e sotme ka treguar që Kosova ka ekip të jashtëzakonshëm, i cili nuk do të kenaqet me pjesëmarrje, por me suksese më të mëdha”, tha Kurti në “Klan Kosova”./FrontOnline/