Kreu i Lëvizjes Vetëvendosje, Albin Kurti, në një konferencë që po e mbanë për media, komentoi deklaratat e djeshme të Ministrit të Punëve të Brendshme, Agim Veliut i cili ishte deklaruar se Kurti nuk i kishte dhënë leje për të kryer një operacion në mbylljen e kazinove në Karaçevë, raporton Front Online.

Kurti tha se ministri Veliu nuk e kishte njoftuar atë me planin që kishte për aksionin në Karaçevë.

“Ish-ministri im kishte ardhur me kërkesën për leje të një Zubin Potok, pastaj edhe me një aksion në Karaçevë. Ai pat dështuar të më sjell diçka me shkrim për planet që kishte. Kishte ardhur pa hollësi që të kërkojë qëndrimin tim për aksion, në këtë mënyrë ai nuk është aksion por aventurë. Unë nuk mund të pranoja një sugjerim për leje për cilin nuk kisha asnjë hollësi”, tha ai.
Kurti shtoi se krimi nuk e ka kokën në Karaçevë, dhe se koka e krimit mund të jetë në Prishtinë..Front Online/