Një dorezë që përkthen gjuhën e shenjave në të folur në kohë reale është krijuar nga shkencëtarët, duke bërë të mundur që personat e shurdhër të komunikojnë drejtpërdrejt me këdo pa patur nevojë për një përkthyes. Pajisja përmban sensorë të hollë përgjatë gishtërinjve, të cilët identifikojnë lëvizjet e duarve.

Lëvizjet shndërrohen në sinjale elektrike, të cilat dërgohen në një smartphone dhe më pas përkthehen në fjalë me një ritëm të shpejtë. Inxhinierët shtuan gjithashtu sensorë ngjitës për të kapur shprehjet e fytyrës që janë pjesë e Gjuhës së Shenjave Amerikane.

“Ne shpresojmë që kjo pajisje të jetë një mënyrë e lehtë për njerëzit që përdorin gjuhën e shenjave për të komunikuar drejtpërdrejt, pa patur nevojë që dikush tjetër të përkthejë për ta,” tha Jun Chen, një profesor ndihmës i bio-projektimit në UCLA dhe autori kryesor i hulumtimit.