Dje njësitet policore të stacionit të Fushë Kosovës, kanë arrestuar një person të dyshuar për disa raste të vjedhjeve të rënda. Rastet kanë ndodhur në lokacione dhe periudha të ndryshme kohore, në gjithë territorin e Kosovë, njofton policia.

“Puna e hetuesve të stacionit policor të Fushë Kosovës, është finalizuar mbrëmë, ku pas marrjes së disa veprimeve operative, kanë arrit që të arrestojnë personin e dyshuar: M.M . mashkull, 37 vjeç, shtetas i Republikës së Kosovës”, thuhet në njoftimin e policisë.

Personi i dyshuar, pas intervistimit nga Njësiti i Hetimeve të Përgjithshme, me vendim të prokurorit të shtetit është ndaluar në mbajtje përderisa hetuesit po kryejnë të gjitha veprimet e nevojshme hetimore e procedurale lidhur me rastet që dyshohet të jetë i përfshirë i arrestuari./FrontOnline